Вучиќ апелира да се избегнат немири во Бања Лука
Премиерот на Србија, Александар Вучиќ побара од политичките лидери на Босна и Херцеговина да спречат насилство на уличните протести закажани за 14 мај.
Опозицијата и владејачката партија во Република Српска ги повикаа приврзаниците на протести во Бања Лука, пред локалните избори што треба да се одржат во октомври годинава. Опозицијата ќе протестира против невработеноста и корупцијата, а владејачката партија ги повика луѓето да дадат поддршка на политиката на Владата.
Вучиќ вели дека, според разузнавачки извори, протестите би можело да бидат насилни.
„Не ни требаат конфликти. Мирот и стабилноста се клучни услови без кои Србија не може да има напредок“-изјави тој.
Ги молиме да се зачува мирот во Република Српска, бидејќи не ни треба било каков српско-српски судир. Една тепачка и после тоа никој не може ништо да зачува, објаснува Вучиќ.
Слично
Поврзани вести
