Од јануари граѓаните ќе можат да се возат на вртелешка која ќе биде поставена пред зградата на МЕПСО на плоштадот Македонија, објавува вест. Според информациите на  весникот, фирмата Технометал Вардар со која ЈП Паркови и зеленило склучиле договор, вртелешката треба да ја донесе од Италија, а дотогаш треба да биде направена платформата на која таа ќе стои. -Платформата и покривот ќе бидат со дијаметар од 9 метри, бидејќи каруселот е со дијаметар од 7 метри. Цената на картата сеуште не е одредена, тоа ќе го договриме откако каруселот ќе пристигне во земјава“ - објаснуваат  од Паркови и зеленило за весникот Вест. Според Вест вртелешката која ќе се постави на плоштадот ќе чини 160.000 евра ќе има декоративен венец, дрвена ротирачка платформа и најмалку 32 седишта, а фигурите ќе бидат пони коњчиња, кочии и ротирачки чаши, проектот  ќе се финансира од буџетот на Град Скопје.