Вработени во Пошта на Северна Македонија протестираа денеска пред Дирекцијата за да изразат револт поради тоа што им доцнат платите. Боро Велигденов од Синдактот на Македонско пошти вели дека протестот е поддржан од двата синдикати во државното друштво.

„Поводот е задоцнување на платата, но не е само тоа. Нашиот револт и нашето стравување е поради лошата финансиска ситуација и кризата во која се наоѓа нашата компанија. Сакаме револтот да го изразиме преку овој протест и поради многу лоши услови за работа, а најмногу поради неизвесноста на вработените за иднината на компанијата, односно дали ќе се приватизира или владата и менаџерскиот тим ќе изнајдат начин за компанијата да излезе од оваа ситуација, рече Велигденов.