Вработените во Производство на кожа и слични производи од кожа земаат плати од 16. 301 денари. Во Производство на облека заработуваат 17.499 денари. Ова се податоци од Државниот завод за статистика. 

Дејности за подготовка на оброци и служење на храна e сектор каде просечната нето плата во октомври била 18.172 денари. 

Туристички агенции, организатори на патувања (туроператори) и останати резервациски услуги како и дејностите поврзани со нив, примиле плата од 17.538 денари. 

Во секторот Заштитни и истражни дејности земале во просек по 16.834 денари. 

Во секторот Услуги поврзани со одржување на згради и дејности на уредување и одржување на животната средина и природата вработените заработувале по 17.623 денари. 

Се зголемила просечната плата во Македонија, во однос на минатата година и изнесува 453 евра. 

Може да се забележи дека има пад во петте најплатени професии, одвен во ИТ-секторот, кој бележи пораст од 9,7 процентни поени во однос на истиот месец минатата година. Платата во секторот компјутерско програмирање, консултантски и сродни дејности изнесува 66.831 денари.