Најмали плати во ноември лани земале работниците во кожарската индустрија. 

Тие имале просечни примања од 11.844 денари, стои во извештајот на Државниот завод за статистика. На дното се и врабоените  во сектор рибарството со просек од 12.064 денари и текстилците со просечна плата од 13.161 денар. Подобри од нив се во транспортот, преработувачката индустрија, трговија, туристички работници и други. 

Најплатени биле вработените во воздухопловниот транспорт со просек од 96.174 денари. 

Вработените во ИТ секторот се со просек од 47.000 денари. Зад нив се осигурување и пензиски фондови со просечна плата од 44.000  денари . Над 40.000 денари плата во Македонија заработуваат вработените во фармација, во правните и сметководствени дејности.

Просечната месечна исплатена бруто-плата по вработен во ноември 2016 изнесува 32 877 денари. Просечната месечна исплатена нето-плата во истиот месец била 22 380 денари. Во ноември лани 1.4% од вработените во Република Македонија не примиле плата.