Вработените од Ремонт на пруги денеска ќе се сретнат со министерот за транспорт и врски Миле Јанакиески. Тие се револтирани бидејќи уште минатата година Владата ги известила дека ќе бидат вратени во склоп на МЖ -Инфраструктура. Но,  синдикатот не може да добие одговори од надлежните зошто тоа се уше не е сторено.

Повеќе од 8 месеци работниците на Ремонт протестираа пред Владата и бараа раскинување на купопродажниот договор со фирмата од Бања Лука и враќање под МЖ Инфраструктура. Откако истече договорот со Босанската компанија, вработените се на улица и покрај владината одлука да се вратат во државната фирма на работа. Според информациите на Фактор, најверојатно работниците ќе бидат дел од МЖ-Инфраструктура, но откако ќе поминат локланите избори.