Шведскиот банкарски гигант Nordea им забранил на своите вработени да тргуваат со криптовалутата биткоин, како и со останатите дигитални валути. Според информациите околу 30 илјади вработени во Nordea која е присутна во нордиските земји не смеат да тргуваат со криптовалути поради нивната нестабилност и небезбедност.

„Ризиците се чини дека се превисоки, а заштитата е недеоволна како за самите вработени така и за банката“ истакна портпаролот на Nordea.

Во Шведска, Данска и Норвешка се поголем број на комерцијални банки даваат совети да не се користи биткоинот како платежно средство, а сличен став имаат и централните банки на овие земји кои планираат засилена регулација на криптовалутите поради честите промени на вредноста и можноста за загуби на инвеститорите.