Најмалку дваесет и седум лица загинаа, а околу сто се повредени во крвав терористички акт во турскиот град Суруч, кој се наоѓа на границата со Сирија, објавија турските медиуми. Експлозијата се случила во 11.45 часот по локално време. Според првичните податоци терорист експлодирал бомба на влезот на објектот, пред културниот центар Амара на градот Суруч. [embed width="700" height="450" ]https://twitter.com/cumhuriyetgzt/status/623080020458762241[/embed] По експлозијата избувнал и пожар кој брзо бил изгаснат. [embed width="700" height="450" ]https://twitter.com/cumhuriyetgzt/status/623072536021049344[/embed] Нема официјално соопштение за причините на експлозијата, турски медиуми, кои се повикуваат на неименувани официјални извори тврдат дека експлозијата била предизвикана од жива бомба - „камикази“ од терористичката група „Исламска држава“.