Внимателно возење, прилагодена брзина на движење и почитување на сообраќањата сигнализација се препораките од Автомото сојузот на Македонија. Од таму ги алармираат возачите дека на поголем дел од патните правци поради магла видловоста е намалена на 50 метри. Појава на магла е регистрирана на патните правци Велес - Катланово, Велес - Неготино, Велес – Штип – Радовиш – Кочани, Скопје – Гостивар, Прилеп-Крушево, а магла е регистрирана и на планинските премини Пресека и Плетвар. Сообраќајот на останатите државни патишта во Македонија се одвива по наместа влажни коловози, без забрани, информира Автомото сојуз на Македонија.