Градот под кулите Прилеп денеска беше домаќин на манифестацијата „Прилеп опен 2014“ каде што се одржа меѓународен натпревар по параглајдерство.

Честа да го отворат настанот и да летаат над Прилеп им припадна на американскиот амбасадор Пол Волерс и градоначалникот на Прилеп, Марјан Ристески.

Овој спортски настан ќе трае два дена е своевиден предизвик за над 80 параглајдеристи од повеќе земји од регионов кои посакаа да бидат дел од  „Параглајдинг купот во дисциплина прецизно слетување“.

Имено, ова е нова платформа за параглајдерство, проект на УСАИД и општина Прилеп за експанзија на малите бизниси, и истиот беше промовиран денеска кја Трескавец.

- Многу сум среќен што сум тука и среќен што ќе го видам Прилеп од птичја перспектива. Многу е добро ова што се работи преку проектот за експанзија на малите бизниси и го развива активниот туризам, како и капацитетот на Македонија. Тоа што е добро за Прилеп, е добро за Македонија, изјави Волерс.

Според прилепскиот градоначалник пак, оваа платформа ги задоволува европските и светските стандарди. Прилеп се етаблира во центар на екстремните спортови со мотоциклизмот и со болдерингот.

„Со овој натпревар ја затвораме сезоната на првенствата во екстремните спортови“, изјави Ристески.

(ФОТО: 10без10)