Војната на Блискиот Исток почнува да влијае на глобалниот туризам, менувајќи ги плановите на патниците и моделите на резервации за овогодинешното лето, додека некои европски дестинации бележат зголемување на интересот, а авиокомпаниите предупредуваат на повисоки цени на билетите.

На годишниот форум на Француската асоцијација на туристички оператори (SETO) во Тетуан, беше објавено дека до крајот на февруари, прогнозите за летната сезона на Блискиот Исток беа оптимистички, oдносно речиси 48 проценти од резервациите веќе беа направени, објави „Фигаро“, истакнувајќи дека медитеранските дестинации ја задржале својата популарност уште тогаш.

Пред почетокот на конфликтот, Шпанија остана најбараната европска дестинација со зголемување на резервациите од 1,7 проценти, пред Грција, која забележа пад од 1,8 проценти, и Италија, каде што интересот се зголеми за 3,6 проценти.

foto Wikipedia/Tommie Hansen from Stockholm