Босанецот Фикрет Абдиќ е уапсен на својот 82-ри роденден. 

Припадници на босанската Државна агенција за истраги и заштита (СИПА) го уапсија најпознатиот бизнисмен во екс Југославија и воен злосторник Фикрет Абдиќ, кој е вршител на должноста градоначалник на Велика Кладуша. БиХ вчера доби барање од хрватското правосудство со назнака за црвена потерница на Интерпол за Абдиќ.

Наредба за апсење на Абдиќ е издадена откако Врховниот суд на Хрватска ја прифати жалбата на ДОРХ во декември 2019 година и ја укина пресудата на окружниот суд во Риека, според која Абдиќ беше ослободен од обвинението за кривично дело злоупотреба на службената положба и овластување. Тој е обвинет за фиктивно позајмување 600.000 куни за Агрокомерц во 2001 година, а потоа, бидејќи парите не беа вратени, тој ги презеде недвижностите на компанијата – вила во Волоско вредна 1,9 милиони куни. Тој е обвинет и дека го ополномоштил својот син во 2005 година, иако не му беше дозволено да го стори тоа затоа што повеќе не беше директор на една од компаниите на Агрокомерц, да потпише договор за заем со заложно право на четири згради и дворот во Ријека. Во 2002 година, Абдиќ беше осуден од окружниот суд во Карловац на 20 години затвор за воени злосторства во босанска Краина, а во 2005 година Врховниот суд на Хрватска му ја намали казната на 15 години.