По појавувањето на повеќе слики со црвена или заматена вода на социјалните мрежи од центарот за санитарна контрола на ЈП Водовод укажуваат дека водата за пиење е безбедна за пиење. Денес се извршени повеќе контроли и се земени мостри, па почетните резултатите се позитивни и нема никакви причини за загриженост. Директорката на центарот Катерина Димовска за ТВ Нова вели дека ова не е невообичаена појава по земјотрес и може да се должи на заматувањето на изворите или на градските чешми како и од корозијата на самите цевки. Затоа порачува доколку граѓаните забележат одреден проблем да го пријават во ЈП Водовод.