Просечната нето плата во октомври била 29.145 денари. Податоците ги објави Државниот завод за статистика. 

Зголемување се должи, пред сѐ, на зголемувањето на просечната месечна исплатена нето-плата по вработен во секторите: Други услужни дејности (11,7 проценти), Објекти за сместување и сервисни дејности со храна (10,1 процент) и Информации и комуникации (10,1 процент). Зголемување на просечната месечна исплатена нето-плата по вработен, во однос на претходниот месец, има во секторите: Трговија на големо и трговија на мало; поправка на моторни возила и мотоцикли (3,5 проценти), Објекти за сместување и сервисни дејности со храна (2,1 процент) и Други услужни дејности (2 проценти).

Највисока плата во државата од над 70.000 имаат програмерите и консултантите. 

Највисоката нето плата е исплатена во секторот Компјутерско програмирање, консултантски и сродни дејности – 73.540 денари, следи Останати стручни, научни и технички дејности – 49.352 денари, па Производство на основни фармацевтски производи и фармацевтски препрати – 47.933 денари, па Воздухопловен транспорт со  45.656 денари и Финансиско-услужни дејности, освен осигурување и пензиски фондови – 44.995 денари.