Комисијата за надворешна политика на Европскиот парламент усвои најголем дел од амандманите на текстот на резолуцијата за Србија, во кои наводно се бара од соседна Србија поблиска усогласеност со надворешната и безбедносната политика на ЕУ, со посебен акцент на барањето Србија да воведе санкции за Русија, за да го продолжи патот на Србија кон ЕУ.

- Во усвоениот извештај за првпат експлицитно се наведува очекувањето за „взаемно признавање“ на Србија и Косово, односно дека Белград и Приштина се очекува да потпишат правно обврзувачки договор заснован на меѓусебно признавање - пишува „Данас.рс“. 

Ова е во согласност со директните и остри пораки за признавањето на Косово што ги даде германскиот канцелар Олаф Шолц при неговата неодамнешна посета на Белград и Приштина.

Усвоен е и посебен извештај за Косово, како и за Босна и Херцеговина, а неколку амандмани биле отфлени. Извештајот беше усвоен со 50 гласа „за“ и пет гласа „против“.