Европскиот парламент во Стразбур  вечерва ќе расправа за напредокот на Република Македонија во 2015 година. Комисијата за надворешни работи на ЕП, минатиот понеделник со 42 гласа „за" и девет „против" ја усвои Резолуцијата, во која известувачот Иво Вајгл предлага до Европскиот совет отворање на преговорите за членство во Европската унија. Ова ќе биде седма последователна препорака од ЕП до Европскиот совет за отпочнување преговори со нашата земја. За Резолуцијата на ЕП ќе треба да се гласа утре и таа се однесува на Извештајот за напредок на земјава во евроинтеграциите. Во Резолуцијата има условена препорака за преговори и таа зависи од успешното финиширање на политичката криза со добро организирани избори на 5-ти јуни.