Научниот институт за ветеринарство во Србија ги објави анализите за сточната храна од „Јаболка“ и ПКБ каде е утврдено дека во нив нема покачена вредност на афлатоксин, дознава B92. Резултатите покажуваат дека се е во граници на нормалата. Земени се впредвид 29 примероци, а присуството на афлатоксин во сите нив е во дозволени граници, потврдуваат од Институтот. Направени се анализи на сено, концентрат, сојна гриз, пченка, микс на храна и сојни погачи.. Министерството за земјоделство во Србија започна со вонредните контроли на сточна храна на фармите и во фабриките, како и со анализи на пченката која беше складирана во резервите. Вонредната контрола ќе биде извршена на сите 76 фарми во Србија, и доклолку се утврди дека храната е добра и понатаму ќе се испорачува, изјавил министерот Горан Кнежевиќ.