Во Србија секој ден се затвараат по осум дуќани, затоа што не издаваат фискални сметки или вработуваат луѓе на „црно“.

Оваа статистика е за првите пет месеци од оваа година. Во борба со сивата економија се води сметка дали се издаваат фискални сметки во целата земја и каков е статусот на ангажираните работници. Вообичаено во овој период од годината се контролираат туристичките центри, а се проверуваат и угостителите во бањите.

Минатата недела во Сокобања се затворени три угостителски објекти поради неправилности во работењето. Исто толку се затворени и во Нишка бања.

Во првите пет месеци исконтролирани се кафулиња, ресторани, ноќни клубови, авто перални, продавници, бензински и слично.

Прекршоци направиле 1.195 обврзници.