Извештајот на специјалната обвинителка, Катица Јанева за работата на Специјалното јавно обвинителство во претходните 6 месеци, денеска ќе се разгледува на собраниската комисијата за политички систем и односи меѓу заедниците. Извештајот за кривичните дела кои произлегуваат од содржината на незаконското следење на комуникациите за период од шест месеци, од 15 септември 2015 година до 15 март 2016 година,  ќе се разгледува и на пленарна седница во Собранието, на 28 овој месец. До Советот на јавни обвинители, извештајот беше доставен и беше  констатирано дека бил нејасен. Од оваа причина,  ја одложија седницата бидејќи Јанева не беше присутна на седницата за да им го објасни.