Дарко Стаменковиќ, генерален директор на Секторот за контрола на работењето на банките во Народната банка на Србија, за РТС изјави дека НБС постигнала договор со банките дека нема да ги зголемат цените на платежните услуги во следната година. Ова се однесува на надоместоци за одржување тековна сметка, трансакции, издавање картички. Тој посочува дека на повикот на НБС за намалување на провизиите за 30 отсто, се јавиле 14 банки кои претходно ги зголемиле цените на услугите.

Најважната мерка што вчера ја донесе НБС е дека ниту една банка нема да може да ги зголеми цените на своите услуги во следната година. Банките кои годинава ги поскапеа услугите ќе мора да ги намалат за 30 отсто.

Дарко Стаменковиќ за РТС изјави дека, поради најавите на одредени банки за зголемување на провизиите и цените за нивните платежни услуги, НБС презела низа активности - како во изготвувањето на прописите, така и во комуникацијата со банките со цел да ги заштити стандардите на граѓаните.

- Една од мерките на НБС е да не се зголемат цените на банкарските услуги во следната година, рече Стаменковиќ.

Тој појаснува дека оваа мерка се однесува на платежни услуги, како надоместок за одржување тековна сметка, за трансакции во е-банкинг и м-банкинг, за издавање картички, за одобрување на дозволениот минус ...

Според него, НБС ги повикала банките кои веќе ги зголемиле цените на услугите од почетокот на минатата година, да ги намалат тие цени за 30 отсто, односно на нивото пред поскапувањето.

„Сите банки кои ја зголемија провизијата се одзваа на повикот на НБС и одлучија да ги намалат цените на услугите согласно иницијативата на НБС“, нагласува Стаменковиќ, додавајќи дека станува збор за 14 банки.