Во март 2016 се издадени 196 одобренија за градење, што е за 17.6% помалку во однос на истиот месец лани. Ова е според податоците на Државниот завод за статистика.  Според издадените одобренија за градење, предвидената вредност на објектите изнесува 2 925 448 илјади  денари што е за 23.8% помалку во однос на истиот месец од претходната година. Од вкупниот број на издадени одобренија за градење, 116 (59.2%) се наменети за објекти од високоградба, 32 (16.3%) за објекти од нискоградба и 48 (24.5%) за објекти за реконструкција. За 120 (61.2%) од објектите како инвеститори се јавуваат физички лица, а на 76 (38.8%) објекти  инвеститори се деловни субјекти. Предвидена е изградба на 527 станови, со вкупна корисна површина од 42 545 м². По региони, во вардарскиот се издадени 16 одобренија, во источниот 28, во југозападен 22, југоисточен 21, пелагониски 10, полошки 36, североисточен 7, скопски 56.