Според податоците на Државниот завод за статистика во Македонија просечната месечна исплатена нето плата во јуни оваа година изнесува 21.108 денари, додека просечниот бруто износ на платата е 30.957 денари.

Индексот на просечната месечна исплатена нето-плата по вработен, во јуни оваа година, во однос на истиот период лани, изнесува 102.2, што е пораст од 2,2 отсто.

Ваквото зголемување се должи, пред сé, на зголемувањето на просечната месечна исплатена нето-плата по вработен во секторите: Транспорт и складирање за 6,8 отсто, Информации и комуникации за 6,8 отсто и Градежништво за 6,1 отсто.

Намалување на просечната месечна исплатена нето-плата по вработен, во однос на претходниот месец, е забележано во секторите: Рударство и вадење на камен за 9,2 отсто, Снабдување со електрична енергија, гас, пареа и климатизација за 5,9 отсто и Објекти за сместување и сервисни дејности со храна за 5,3 отсто

Во јуни оваа година, 2,3 отсто од вработените во Македонија не примиле плата, објави „Нетпрес“.