Бројот на активни фирми во Република Македонија во 2015 година изнесувал 70. 139, покажуваат податоците на Државниот завод за статистика.

Најголемо учество во структурата имаат секторите: трговија на големо и трговија на мало, поправка на моторни возила и мотоцикли со 23 843 субјекти или 34% и преработувачка индустрија со 7. 639 субјекти или 10.9%.

Најмала застапеност имаат секторите: рударство и вадење на камен со 173 субјекти или 0.2% и снабдување со електрична енергија, гас, пареа и климатизација со 160 субјекти или 0.2%. Податоците за структурата на активните деловни субјекти според бројот на вработени покажуваат дека најголемо учество од 80.2% имаат деловните субјекти со 1 до 9 вработени. Потоа следат фирмите без вработени или субјекти со неутврден број на вработени со 10.4%, зад нив се компании со 10-19 вработени со 4.3%, потоа фирмите со 20-49 вработени чие учество изнесува 2.8 %, со 1.9% учествуваат субјектите со 50-249 вработени и само 0.3% од активните деловни субјекти имаат над 250 вработени.