Најдолг очекуван работен век е забележан во Холандија и изнесува 44 години, пред Шведска со 43,4 години, Данска со 42,6 години, Естонија со 41,5 години, Ирска со 40,7 години, Германија со 40,2 години и Финска со 40,1.

Од друга страна, Романија има најнизок очекуван работен век со 32,7 години, Италија со 33 години и Бугарија со 34,6 години.

Очекуваното траење на работниот век во Европската Унија минатата година достигна 37,5 години, што е за 0,3 години повеќе отколку во 2024 година, па дури и за 2,3 години повеќе отколку во 2016 година, објави денес европската статистичка служба Евростат.

Во просек, мажите во Европската Унија можат да очекуваат работен век од 39,5 години, додека за жените овој индикатор е 35,4 години.

Најдолг очекуван работен век на мажите е забележан во Холандија (45,9 години), Шведска и Данска (44,5 години секоја), додека жените најдолго остануваат на пазарот на трудот во Шведска (42,3 години), Холандија (41,9 години) и Естонија (41,8 години).

Според методологијата на Евростат, очекуваниот работен век претставува просечен број години што лице над 15 години може да очекува да ги помине на пазарот на трудот, или како вработено или невработено, врз основа на моменталните стапки на учество во работната сила и очекуваниот животен век.