Стапката на невработеност во Европската Унија изнесуваше шест проценти во 2025 година за лицата на возраст од 15 до 74 години во работната сила, што е малку повеќе од 5,9 проценти во 2024 година.

Меѓу земјите од ЕУ, Шпанија имаше највисока стапка на невработеност од 10,5 проценти, по што следуваат Финска (9,7) и Грција (8,9 проценти). Најниски стапки беа во Чешка (2,8 проценти), Полска и Малта (и двете 3,1 процент), објави Европскиот завод за статистика - Евростат.

Луѓето со ниско ниво на образование имале повисоки стапки на невработеност низ цела ЕУ. Минатата година, стапката на невработеност кај луѓето на возраст од 25 до 74 години со ниско образование била 10,5 проценти, во споредба со 4,7 проценти за оние со средно образование и 3,6 проценти за оние со високо образование.

Највисоки стапки на невработеност кај луѓето со ниско образование имало во Словачка (38,8 проценти), Шведска (20 проценти) и Финска (18,8 проценти). Овие земји, исто така, покажале најголеми разлики во стапките на невработеност помеѓу луѓето со ниско и високо образование. Разликата била 36,7 процентни поени во Словачка (38,8 проценти за луѓе со ниско образование, во споредба со 2,1 процент за оние со високо образование), 14,9 процентни поени во Шведска (20,0 проценти наспроти 5,1 процент) и 13,9 процентни поени во Финска (18,8 проценти наспроти 4,9 проценти).

foto Wikipedia/ Ing.Mgr.Jozef Kotulič