Откриено e ново наоѓалиште на природен гас во Ексклузивната економска зона на Кипар. Истражувањата ги водеа операторот „Eni Cyprus Limited“ и „Total Energies EP Cyprus B.V“, а компаниите, заедно со Министерството „ги разгледуваат начините за забрзување и оптимално искористување на откритијата во Блокот шест“

Министерството за енергетика, трговија и индустрија на Кипар објави дека успешно завршиле дупчењата во Блокот шест во Ексклузивната економска зона и било откриено ново, трето по ред, наоѓалиште на природен гас, јави дописничката на МИА од Атина.

„Дупчењето изведено со бродот „Tungsten Explorer“ на оддалеченост од 162 километри од брегот на Кипар и на длабочина во водата од 2.300 метри, покажа постоење на колона на чист природен гас од 105 метри, со количества, кои според прелиминарните проценки изнесуваат вкупно две до три трилиони кубни стапки (Tcf)“, велат од надлежното кипарско Министерство.

Но, и во Русија има ново наоѓалиште на гас. Полето Ковиктинско ќе стане најголемото наоѓалиште на гас во Сибир, а најважната рута за транспорт на гас ќе работи со полн капацитет.