Во Хрватска вчера е откриен првиот случај на флурон - истовремена зараза со грип и корона.

Ова утрово на ХРТ го откри д-р Вранеш од загрепскиот Институт за јавно здравје.

„Вчера ги откривме двата вируса кај пациентот. Вирусот на грип и корона вирусот. Не е непознато дека е можно да се заразиме со неколку патогени одеднаш. Грипот на англиски се нарекува „флу“ па затоа оваа комбинација ја нарекоа флурон. Сега е вообичаено да има доста случаи на сезонски грип иако лани не беше така, но имавме случаи во текот на летото. Треба да видиме каква ќе биде клиничката слика за луѓето кои ги имаат двата вируса одеднаш“, рече таа.

Првиот случај на флурон во светот е откриен во Израел

Пред неколку дена беше објавено дека е откриен првиот случај на флурон во светот, односно истовремена инфекција на корона вирус и грип. Според Newsweek, првиот случај на „флурон“ е забележан кај мајка во израелскиот град Петах Тикви.

Професорот Арнон Вижницер, директор на гинеколошкиот оддел на болницата во тој град, за израелски весник изјавил дека мајката добила позитивен тест за корона вирус и грип веднаш штом ја примиле. За да бидат сигурни, тие го повторија тестирањето уште еднаш.