Од 2026 година, возачите во Италија кои имаат 70 години или повеќе треба да бидат ослободени од плаќање данок на моторни возила. Сепак, оваа бенефиција нема да важи за сите - мора да бидат исполнети одредени услови.

Според достапните информации, италијанските граѓани кои ќе наполнат 70 години до 1 јануари 2026 година, ќе имаат право на ослободување. Целта на оваа мерка е да се олесни финансискиот товар врз постарите лица, објавува списанието „Феникс“.

„Bollo auto“ е регионален данок за сопственост на возило во Италија. Се плаќа без оглед на тоа дали автомобилот се користи или не. Износот на данокот зависи од моќноста на моторот и еколошката категорија на возилото и варира од регион до регион.

За да може лицето да има право на ослободување: возилото мора да биде регистрирано на негово име, во моментов нема ограничувања за приходите и можно е поединечните региони да наметнат дополнителни услови или формулари.

Важно е да се напомене дека ослободувањето не се доделува автоматски. Потребно е да се поднесе барање до надлежната регионална институција.

Во Италија веќе постојат одредени даночни ослободувања, на пример за: електрични возила (во првите пет години по регистрацијата), возила на лица со признати попречености, одредени историски (олдтајмер) возила.