Точно 48.806 денари изнесува просечната нето плата во земјава, но во секторот информации и комуникации. Ова е највисоката просечна нето плата, ако се гледа секторски. Тука спаѓаат најголемите плати во државата воопшто - иако просекот е понизок сепак 40.460 денари земаат вработените во секторот телекомуникации, додека 66.433 денари земаат вработените во потсекторот компјутерско програмирање. 

Државниот завод за статистика објави вчера дека просечната месечна исплатена нето-плата по вработен, во август 2020 година, изнесува 27.535 денари.

Според податоците во август годинава платата се зголемила за 9,6 проценти. Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите уметност, забава и рекреација за 20,4 проценти,  земјоделство, шумарство и рибарство - 16,9 отсто и дејности на здравствена и социјална заштита- 13,2 проценти.