Во соседна Албанија 79.500 семејства зависат од државната финансиска помош.

Елбасан е на врвот на листата на градови со најголем број на домаќинства кои добиваат социјална помош. Според податоците на Институтот за статистика од последниот квартал од 2015 година , 18,6% од социјалната помош, обезбедена од буџетот на државата оди во регионот на Елбасан. Во главниот град Тирана, се одлеваат 10,2% од социјалната помош. Во градовите Валона, Ѓирокастро, Фиер и Берат имаат нешто пониски бројки кога се работи за социјалните случаеви.

На национално ниво има околу 79.500 семејства приматели, што претставува намалување од 2,6% во споредба со третиот квартал од 2015 година.