До 2017 година курсот на еврото во однос на доларот ќе падне до 85 центи за долари, прогнозираат аналитичарите од „Deutsche Bank“ Робин Уинклир и Џорџ Саравелос, пренесува „РБК“. Главните причини за слабеењето на европската валута ќе биде одливот на капитал од ЕУ.

Според Уинклир и Саравелос до крајот на годината еврото ќе достигне до рамнење со доларот, во 2016 година стапката ќе достигне 90 центи, а во 2017 година - 85. Во моментов, цената на европската валута е 1,07 долари.

Двајцата аналитичари посочуваат дека главната причина за девалвација на еврото ќе биде одливот на капиталот од ЕУ, кој до 2017 година може да достигне 4 трилиони евра. Во последните шест месеци 300 милијарди евра се „оставени“  во еврозоната, а главен фактор за тоа е негативната каматна стапка и програмата за квантитативни олеснувања на Европската централна банка. Повеќето од средствата биле префрлени во САД, Велика Британија и Канада.

„Одливот на капиталот беше дури и поголем од првичните наши очекувања. Сметаме дека до 2017 година еврото ќе поевтини до 85 центи“, напишале Уинклир и Саравелос во својата анализа и додаваат дека тоа ќе се случи, ако обемот на капиталот, со напуштање на еврозоната надмине 4 трилиони евра.

Вишокот на тековната сметка на еврозоната расте од 2011 година, како на крајот на минатата година тој достигна 234 милијарди евра, но фирмите уживаат зголемените добивки, за да создаваат бафери и резерви, а не инвестиции, сподели аналитичарите.

„Сметаме дека двата настани целосно одговараат едно на друго: вишокот на тековната сметка во еврозоната е симптом на големите заштеди и повод за големи инвестиции во странство“, посочуваат Уинклир и Саравелос. „Комбинацијата на големи заштеди и структурно ниска профитабилност може да доведе до трансформација на европскиот контигент во извор на глобални дисбаланси до крајот на оваа деценија“, додаваат тие.