Протестен марш против начинот на известување на македонскиот јавен радиодифузен сервис, е закажан за денеска на пладне и ќе почне пред споменикот на бранителите во Скопје. ,, Да се собереме сите заедно во недела и со мирен марш да отидеме пред Македонската радио телевизија и да ја ослободиме. Се тргнува од споменикот на “Бранителите” спроти собранието (во Жена парк), а крајна дестинација ќе биде МРТ “ - повика генералот Стојанче Ангелов од својот Фејсбук профил. Ангелов вели дека  протестот е без партиски и етнички обележја, и повикува на марш за мирно и достоинствено изразување на незадоволството од известувањето на МРТВ, која според него, ги цензурира сите непријатели на владејачката партија.