Од АМСМ информираат дека сообраќајот на сите државни патишта во Македонија се одвива по наместа влажни коловози додека слаб снег паѓа на планинските превои Буково, Ѓавато како и во Ресен и Битола. Магла со видливост до 100м има на планински превој Стража. Воведена е забрана за движење на тешки товарни возила над 7,5 тона и автобуси, на патниот правец Р2136 Ржаничино – Д.Коњаре, поради оштетување на средниот столб на мостот на река Пчиња. Штетата на мостот на патниот правец Радовиш –Штип е санирана и сообраќајот се одвива наизменично, по една коловозна лента. Сообраќајот на патниот правец Демир Капија кон с. Корешница е нормализиран.

Интензитетот на сообраќај на патните правци надвор од градските средини е умерен. На граничните премини нема подолги задржувања за влез и за излез од државата.