Зоран Заев свесно сака да предизвика конфликт во Македонија, реагираат на денешната "бомба" на опозицијата од владејачката партија ВМРО-ДПМНЕ.

"По денешната прес конференција на сите разумни и совесни граѓани на Република Македонија, без разлика дали се Македонци, Албанци, Турци, Власи, Роми, Срби, Бошњаци или други, на сите им стано јасни. Во желба за власт, Зоран Заев е подготвен да го жртвува сè и мирот и стабилноста, и економскиот развој, и соживотот меѓу граѓаните ", најавија од партијата.

Тие ја опишаа денешната бомба како "сецкан и монтиран материјал", кој нема политичка тежина. "Реалноста покажува дека она што го тврди Заев е неточно", се вели во соопштението на партијата на власт.

Денес Заев пушти снимка од разговор на поранешната министерка за внатрешни работи Гордана Јанкулоска со Мартин Протоѓер, шеф на политичкиот кабинет на македонскиот премиер Никола Груевски.

Во разговорот, според СДСМ Протоѓер вели дека сака да го убие главниот уредник на телевизијата "Сител", Драган Павловиќ-Латас, бидејќи е агент на српските служби. Латас рече во февруари дека ќе го тужи Зоран Заев поради објавени телефонски повици.