„ Ако Заев вака работел како градоначалник, замислете како би работел како Премиер. За него нема да биде спорно ако тој е Премиер, а татко му да ја снабдува АРМ со храна, чичко му да ги снабдува болниците во цела Македонија со лекови, стрина му да обезбедува нафта за греење на училиштата, братучедите да ја снабдуваат државата со канцелариски материјали, а брат му да набавува возила за полицијата. Нели Заев нема да потпишува, ама за него тоа ќе го прават луѓето кој тој ќе ги назначи. Провидно и смешно", рече Стамов и додаде дека ова е мега скандал. Опозицискиот лидер уште еднаш ги отфрли обвинувањата и повтори дека она што е спроведено во Струмица е согласно законот. „Не им се плашам, туку ги сожалувам, зашто се провидни нивните прес - конференции преку кои обвинуваат“, изјави Заев и повика ако има нешто нечесно и незаконски, веднаш да поднесат кривични пријави и да го уапсат. „Се обидуваат да зборуваат за чест и морал мој и на моето семејство. Фирмите на Заеви вработуваат 800-тини луѓе. Познати се како најголеми донатори во регионот, а и пошироко во Македонија“, изјави лидерот на СДСМ за кого проблем во државата е владеењето во последните осум години, а премирот рече тој, ќе мора да даде одговори на крупни прашања.