Како портпаролот на СДСМ Петре Шилегов со минимална плата успеал да стекне голем имот, праша денеска повторно владејачката ВМРО ДПМНЕ. Куќа на три ката од 313 м2, два автомобили мерцедес и ауди, и стан во Кисела Вода од 88м2 - ова според партијата е имотот на Шилегов кој го стекнал со минималната плата што пријавиле дека ја заработуваат тој и неговата сопруга. „Бидејќи е невозможно да се стекне со толку голем имот со минимална плата на која што тој и неговата сопруга пријавиле дека примаат, ние денес прецизно прашуваме, дали тој имот е стекнат затоа што Шилегов помагал на фирмата Семос да добива вредни бизниси. Да потсетиме во фирмата Семос на која Шилегов и помагал да добие вредни бизниси сопственички удел има сопругата на Бранко Црвенковки“, рече Даниела Рангелова, член на Извршниот комитет на партијата. Таа побара одговор од Шилегов дали неговиот имот е стекнат преку местење на тендери и зошто секогаш кога фирмата на сопругата на Црвенковски се појавува на јавната набавка е конечен победник.