ВМРО ДПМНЕ: Опозицијата продолжува со манипулации!
„Дамјан Манчевски е човекот кој јавноста го знае по две работи. Првата е аферата со паркинзите во Куманово, каде неговата фирма доби тендер од околу 400 илјади евра од неговиот сопартиец и градоначалник на Куманово, и второ по тоа што за најголем свој успех го смета фактот дека е десна рака на Радмила Шекеринска и аминџија на сите нејзини погубни политики. Ете со ваков човек СДСМ се обидува да ја манипулира јавноста. СДСМ наместо да прави алиби за штетата која ѝ ја нанесува на Македонија и на граѓаните, треба да одговори на десетиците прашања кои јавноста ги има кон нив, а се поврзани со секојдневните лаги кои ги пласираат и сами си ги демантираат.
Нивното сценарио е целосно разобличено. На сите им е јасно дека СДСМ направи крајно низок обид да се добере до власт по секоја цена, без поддршка од народот, без избори, користејќи креирани и сечени материјали добиени на криминален начин од некој кој не ѝ мисли добро на Македонија.
Ете ова е вистината за СДСМ и нејзините деструктивни политики кои кај граѓаните воопшто не поминуваат“, се вели во реакцијата на ВМРО-ДПМНЕ.
Слично
Поврзани вести
