ВМРО-ДПМНЕ ја поздравува одлуката на претседателот на државата,  Ѓорге Иванов целосно да ја искористи можноста предвидена во Законот за изменување и дополнување на Законот за помилување.

„Изминативе 10 дена стана очигледно дека ниту Зоран Заев, ниту сопругот на потпретседателката на СДСМ Радмила Шекеринска, ниту останатите обвинети во случајот „Пуч“ имаат намера лично да побараат повлекување на аболициите. Со одлуката на претседателот Иванов и овие лица, со исклучок на Зоран Заев, ќе одговараат пред законот исто како и сите други граѓани. Со неа, до крај ќе излезе на виделина и целата конструкција на Зоран Заев против партиските членови и активисти на ВМРО-ДПМНЕ. ВМРО-ДПМНЕ беше прва партија која јавно излезе со став дека одлуката за аболиција не е во согласност со нашите политики“ - се наведува во партиското соопштение.

Од партијата велат дека СДСМ останува единствена партија која е водена од лице аболирано за криминал тежок 8 милиони евра, а Зоран Заев останува единствениот политичар кој благодарение на неговиот преходник во партијата, Бранко Црвенковски е изземен од кривичен прогон.