ВМРО-ДПМНЕ со соопштение реагира на денешната пресконференција на Кире Наумов од СДСМ, кој ја обвини власта дека достигнала историски највисоко ниво на задолженост. Според владејачката партија, парите се позајмуваат за инфраструктурни проекти. „Велите многу сме се задолжувале, но не кажувате за што. Земавме 505 милиони долари за изградба на автопатот  Кичево - Охрид, земавме 278 милиони евра за изградба на автопатот Миладиновци - Штип, земавме 220 милиони евра за автопатот Демир Капија - Смоквица, земавме 160 милиони евра за рехабилитација на патишта, земавме 50 милиони евра за локални патишта, земавме средства за рехабилитација и на државните патишта“, стои во соопштението.