Од владеачката партија реагираат на обвинувањата на опозициската СДСМ тврдејќи дека најголемата опозиција во земјава не може да се помири со фактот дека Владата предводена од ВМРО-ДПМНЕ води успешна економска политика за која потврда даваат и релевантните меѓународни институции како Светска Банка и ММФ.

Од владеачката гарнитура велат дека и ден денес ги враќаат долговите кои опозицијата ги направила додека била на власт, потенцирајќи дека во тоа време немало криза, а и покрај растот на земјите, Македонија имала катастрофален раст и голема невработеност.

Од ВМРО-ДПМНЕ ги нагласија новите инвестиции во инфраструктурата, автопатишта, реформи  во болници, училишта, градинки потенцирајќи дека Македонија е петта најмалку задолжена земја во Европа.