„Денес бевме сведоци на политички настап во кој беа прозвани голем број лица. Функционерите на партијата кои индиректно беа осудени на прес конференцијата на СЈО немаат сторено никакво кривично дело и тоа ќе го докажат во натамошната постапка“, стои во денешната реакција на владеачката партија по повод истрагата која Специјалното јавно обвинителство ја обелодени пред јавноста а се однесува на изборни измами во кои се вклучени поранешни министри за внатрешни работи и труд и социјала.

Имено, во соопштението на ВМРО-ДПМНЕ велат дека нема да поддржат незаконско и неуставно работење.

Од партијата на Никола Груевски велат дека секоја орган и секоја институција мора да делува во рамки на своите надлежности бидејќи никој не е над Уставот и законите.

Оттаму потесетуваат и дека ВМРО ДПМНЕ гласаше и го поддржа изборот на Специјалното јавно обвинителство.