ВМРО-ДПМНЕ бара пензиите да се зголемат за 20 отсто
Oпозициската ВМРО-ДПМНЕ бара зголемување на пензиите и тоа за 20 отсто.
Според нив, бидејќи струјата поскапе, пензионерите треба да примаат повисоки пензии од април. Пратеничката група на ВМРО-ДПМНЕ веќе ги поднесе законските измени во парламентот. Пратеникот Никола Мицевски апелираше до парламентарното мнозинство да ги поддржи измените. Од СДСМ сметаат дека предлозите на ВМРО-ДПМНЕ се лицемерни, но ветуваат дека пензиите ќе се зголемуваат.
Премиерот Димитар Ковачевски деновиве најави дека по покачување на минималецот, ќе растат и пензиите. Од Левица како добар пример го споменаа словенечкиот модел на покачување на пензии. Минималецот се зголеми на 18.000 денари.
Слично
Поврзани вести
