Влажен бран попладне ќе ја зафати Македонија и дожд ќе врне до понеделник. Управата за хидрометеоролошки работи за  попладнево најави повремени врнежи од дожд во источните делови, кои подоцна ќе се прошират низ цела територија на земјава, а ќе бидат пообилни во јужните делови. Врнежи ќе има и во понеделник, но ќе бидат со малку послаб интензитет. Максималната температура ќе се движи околу 11 степени  во југозападниот регион, околу 13 на север и исток, а на југоисток до 15 степени. Општините треба да ги стават на располагање сите ресурси, да ги мобилизираат кризните штабови и други институции, да го следат водостојот, да го предупредат населението ако има опасност, загрозените граѓани да побараат помош во ЦУК на 195 и слично.