Владината делегација за лов на инвеститори, предводена од премиерот Никола Груевски, од Литванија и Франција, денеска заминува за Германија. Во составот на делегацијата се и вицепремиерот задолжен за економски прашања, Владимир Пешевски, министерот без ресор задолжен за привлекување на странски инвестиции, Бил Павлески и директорот на Дирекцијата за технолошки индустриски развојни зони, Виктор Мизо.

Тие, во соработка со Стопанската комора во Хамбург, ќе присуствуваат и ќе се обратат на бизнис форум за промоција на поволностите кои Република Македонија ги нуди за отворање и реализација на инвестиции.

Владината делегација ќе оствари и повеќе средби со претставници на повеќе германски компании кои имаат интерес да инвестираат во Македонија.