Премиерот Никола Груевски, заедно со министерот за надворешни работи Никола Попоски и за транспорт и врски, Миле Јанакиески, замина во дводневна посета на Романија, а со цел да ја промовираат земјава како одлична инвестициска дестинација. Така во Букурешт , пред романски компании од автомобилскиот и градежниот сектор, од туризмот и рударството, биле извршени презентации на македонските олеснувања кон странските инвеститоро, вклучувајќи ги и тие од Романија. „Станува збор за корисни средби и се надевам дека од дел од овие поединечни средби и разговорите што ги имав со стопанственици или генерални менаџери на овие крупни романски компании, подоцна ќе произлезе некоја инвестиција во Република Македонија“, изјави премиерот Никола Груевски од Букурешт. За утре  е најавено обраќање на Груевски на Самитот на шефови на влади од Кина и Источна и Централна Европа каде  ќе има високи високи политички претставници од 17 држави. Ваков самит лани се одржа во Варшава. Најавена е и средба со премиерот на Романија Виктор Понта, како и со македонската дијаспора во Романија..