АД ЕСМ ќе се стекне со 25 отсто удел на сопственост во гасната централа во Александропулос која треба да се изгради во иднина и да произведува струја. Ова го соопшти Владата како заклучок од синоќешната седница.

Електрани на Северна Македонија и Национални енергетски ресурси, компанијата која ги гради магистралните гасоводи во Македонија, ќе склучат меморандуми за реализација на проектите Терминал на течен природен гас Александропулос и Гасна централа Александропулос, односно за вложување од страна на Северна Македонија во овие меѓународни проекти.

„Станува збор за Меморандум за соработка помеѓу „НЕР АД“ Скопје и „Копелозу Груп“ и Меморандум за соработка помеѓу „АД ЕСМ“ и „Гастрејд С.А.“ за закуп на капацитет во ЛНГ Терминалот, како и Меморандум за соработка помеѓу „АД ЕСМ“ и „ДАМКО ЕНЕРЏИ С.А.“ за стекнување на 25% удел во Александрополис Електрисити Продукшн С.А“, соопшти Владата.

За сите следни активности за реализацијата на овие проекти задолжени се „НЕР АД“ Скопје и „АД ЕСМ“ редовно да ја информираат Владата.