Прехранбената компанија Витаминка ја зголеми добивката во првите девет месеци од годинава. Според неревидираниот финансиски извештај од јануари до септември Витаминка оствари оданочена добивка од 62.917 илјади денари (1.023.014евра) што е зголемување од 101% во споредба со истиот период лани. Од компанијата објаснуваат дека растот на нето добивката е резултат на зголемените оперативни приходи за 3,5% во споредба со истиот период лани. Се забележува благо намалување на приходите од продажба за 1%, при што продажбата на домашниот пазар е зголемена за 1,7%, додека на странските пазари има опаѓање за 5% во споредба со истиот период лани. Во истиот период, Витаминка успеа да ги намали оперативните расходи. Останатите индикатори, трошоци и показатели го следат трендот на зголемена реализација во третиот квартал 2012 година во споредба 2011 година, се вели во соопштението од компанијата.