Вистинските сопственици на сите фирми во Македонија ќе бидат познати во Централниот регистар од 1 октомври следната година. Секое физичко лице при иницијална регистрација ќе потпишува и изјава за сопственост на удели во други субјекти. Покрај новите, тоа ќе треба да го прават и постојните поединци кои имаат сопственбост над правно лице.

Целта е спречување перење пари и да не може да се префрлаат средства од едни на други правни лица, според новите законски задолженија.

– Имаме законска обврска до 1 октомври идната година да го имплементираме регистарот на вистински сопственици. Се уште се работи на правилникот и на сите останати мерки што треба да се имплементираат, а работиме заедно со Управата за финансиско разузнавање и финансирање тероризам - најави  Марија Бошковска-Јанкоски, директорка на Централниот регистар на Република Македонија, на одбележувањето 16 години работа на оваа институција.