Филип Мирковиќ од Србија од своите пријатели во хотелот каде работел слушал како со работа на брод може да се купи и стан, по што пред 7 години на свои 23 години отишол да работи на брод. 

Вели дека едно утро се пробудил, и донел одлука дека ќе ја смени работата. 

„Едно утро се пробудив и си реков „овде каде што работам ми е добро, но до 15 во месецот ја трошам платата, и не сакам веќе да преживувам“- вели тој. 

На интернет нашол компанија од Загреб која посредува, пратил CV и за месец дена го повикале на разговор, при што интервјуто за работа траело само 5 минути. 

Почнал да работи на брод како келнер, а на крајот станал консултант за продажба. 

Вели дека работел по 10 до 12 часа дневно или 330 часа месечно. 

Откако завршил договорот се вратил во Белград и работел за 300 евра, но вели дека со тие пари нема перспектива. 

Потоа со друг договор успеал да ги обиколи Медитеранот и Блискиот Исток. 

Ако се штеди вели дека за 6 месеци може да се заработат 10.000 долари, а тој успеал да си купи стан по 6 години работа.