Трошоците на живот во јули 2025 година, во однос на јули 2024 година, бележат зголемување од 4.8 отсто, а индексот на цените на мало бележи зголемување од 5.3 проценти, објави Заводот за статистика.

Порастот на цените на храната и безалкохолните пијалоци е дури 6,8 отсто во јули 2025 во однос на истиот месец лани.

Инфлацијата кај рекреацијата и култура е 6,6 отсто, 5,8 отсто е кај алкохолни пијалоци, тутун и наркотици, а зголемувањето кај „мебел, покуќнина и редовно одржување
во домаќинствата“ е 5,1 проценти.

Кај цените на мало, земјоделските производи за една година поскапеле 15,5 отсто, прехранбените производи за 7,6, а услугите за 7,2 отсто.

Владата претходно објави дека нема да се носат краткорочни мерки против високата инфлација, туку ќе се бара системско долгорочно решение за базичната инфлација.